| |
Mr. Chairman! Men o' muckle fame!
Tae you, wha's pride's the roarin' game,
Forgi'e me, if I staun ma lane,
I canna curl!
I tried it aince, but never since -
A stane did burl.
Last month, we sat at Burns' Supper,
And there we plaister'd "Rab" wi' butter,
Jock McLeod, he caused a flutter,
His wings ootspread:
Frae him we heard your first success
At Kandersteg.
The news created great applause,
It swall'd oor chests, we puffed oor jaws;
Even Jock himsel', he had tae pause,
And hiv' a drink,
The signal for us a' tae toast -
The winnin' rink.
The rink, I'm tell't was Jamie Barr,
Wha never chucked a stane too far,
And big Jock Ross frae Arrochar,
He lost nae chance,
For every nicht he left his mates -
Tae gang an' dance!
Then Adam James** makes number Three
Who, ootward bound, was sick a wee;
MacIntosh gulped toddy doon like tea,
He was skip;
Better he'd had some for poor Adam James,
Gaun owre on the ship.
Luick at yon medals! They speak for themsel',
Fifty-three in that case, as near's I can tell;
A cup and twa shields, ye couldna' excel!
Cover'd wi glory!
I hear they are startin' a silversmith's shop,
But that's mebbe a story!
Besides winnin' trophies this last year or two,
I hear they are expert at bob-sleighin' too;
The "Kurhaus Run", a fine how-do-ye-do,
For health-givin' fun
MacIntosh chas'd them back tae the ice every time -
Wi' the help o' a gun!
At Blumlis Alp, peak'd up like a knife,
While there, they a' had the time o' their life;
The "Gemmi Pass" too, gey far frae the "Gryffe",
It's wonder display'd;
It's a wunner tae me they managed "East Fife"
Wi' the time they delay'd.
And "Eadie", Fife's skip, in rage bit his lip,
A' the warl' like a man in a terrible fit
An' tho' he's hame, he's no' owre't yet -
A terrible sight!
As far as I hear, his doctor has said,
He'll never be right!
I'm tell't every nicht you laugh in your beds,
At East Fife gaun' hame with their tail 'tween their legs,
The pangs o' defeat, life's bitterest dregs,
Their portion to share:
Still they pause just ot think what might have been
Had you no' been there!
The trophies, now own, your fame is made,
Bruce and Wallace! Foch and Haig!
For higher names than I've said,
I canna think:
Tae you, famous men! Lang life attend -
The Winnin' Rink!
|